Foras na Gaeilge

baile»foras na gaeilge»clár na leabhar gaeilge

Clár na Leabhar Gaeilge | Clár na Leabhar Gaeilge

Misean
Stair
Ról
Freagrachtaí
Scéimeanna agus Feachtais
Féilte/Imeachtaí agus Gníomhaíochtaí Litríochta
Taighde
Comórtais Litríochta
An Fhoireann
Sonraí Teagmhála
Foilseachán

Misean

Scríbhneoireacht, Foilsitheoireacht agus Léitheoireacht na Gaeilge a chothú.

Bunaíodh Bord na Leabhar Gaeilge i 1952 chun foilsitheoireacht na Gaeilge a chur chun cinn. Ag tús 2008, aistríodh feidhmeanna Bhord na Leabhar Gaeilge go Foras na Gaeilge. Déantar na feidhmeanna sin a chomhlíonadh anois faoin ainm Clár na Leabhar Gaeilge.

Ról

Tacaíocht a thabhairt d’fhoilsitheoirí na Gaeilge trí Scéim na Foilsitheoireachta go príomha.
Tacaíocht a thabhairt do scríbhneoirí na Gaeilge tríd na Scéimeanna Scríbhneoireachta go príomha.
Aird an phobail a dhíriú ar leabhair Ghaeilge.
Daoine a mhealladh le bheith ag léamh agus ag scríobh as Gaeilge.

Freagrachtaí

Tacú le foilsitheoirí agus scríbhneoirí na Gaeilge chun a chinntiú go mbeidh réimse leathan saothair ar ard-chaighdeán Gaeilge ar fáil do léitheoirí.
Leabhair Ghaeilge a chur chun cinn.
Comhoibriú le heagraíochtaí eile ar thograí chun leabhair Ghaeilge a chur chun cinn.
Buiséad na rannóige a riar chomh héifeachtach agus chomh cothrom agus is féidir.

Scéimeanna agus Feachtais

Tionscadail Litríochta

Cuirtear tacaíocht ar fáil do Thionscadail Litríochta chun litríocht na Gaeilge a bhuanú, a chothú agus a chur chun cinn.

Tá sonraí don Tionscadail Litríochta ar fáil anseo

Scéim na Foilsitheoireachta

Tugann an scéim seo cúnamh d’fhoilsitheoirí leabhair Ghaeilge a fhoilsiú. Cuirtear tacaíocht maoinithe ar fáil sna réimsí táirgeachta, margaíochta agus forbartha.

Tá sonraí Scéim na Foilsitheoireachta 2012 ar fáil anseo

Tá sonraí Scéim na Foilsitheoireachta 2011 ar fáil anseo

Na Scéimeanna Scríbhneoireachta

Cuireann na Scéimeanna Scríbhneoireachta le cumas scríbhneoirí Gaeilge plé le gnéithe éagsúla den phróiseas liteartha.

Scéim na nOidí

Is í aidhm na scéime seo deis a thabhairt do scríbhneoirí i dtús a ré scríbhneoireachta Gaeilge comhairle faoina gcuid scríbhinní, agus faoi cheird na scríbhneoireachta i gcoitinne, a fháil ó scríbhneoirí aitheanta Gaeilge (oidí)

Is féidir leat teacht ar na foirmeacha a bhaineann leis an scéim thuasluaite Anseo

Tá na Scéimeanna Scríbhneoireachta fógartha anois
Spriocdháta d’iarratais: Dúnta

Scéim na gCoimisiún

Is í aidhm na scéime seo ciste coimisiúnaithe a dháileadh i measc lucht liteartha na Gaeilge sa chaoi is go gcinnteofar soláthar sásúil sna réimsí éagsúla léitheoireachta.

Is féidir leat teacht ar na foirmeacha a bhaineanna leis an scéim thuasluaite Anseo

Tá na Scéimeanna Scríbhneoireachta fógartha anois
Spriocdháta d’iarratais: Dúnta

Scríobh Leabhar

Is éard atá i gceist leis an tionscnamh seo ná go n-iarrtar ar pháistí bunscoile leabhar a scríobh, rud a thugann an deis dóibh taithí a fháil ar an gcruthaitheacht, ar na scileanna agus ar an spraoi, a bhaineann lena leabhair féin a scríobh agus a fhoilsiú.

Tá cuid de na leabhair seo le feiceáil ach cuairt a thabhairt ar an nasc seo.

Evanne Ní Chuilinn RTÉ le beirt pháistí a ghlac páirt sa tionscadal 'Scríobh Leabhar' i gCill Chainnigh

Leabhar na Bliana 2010

Reáchtáiltear Gradam Leabhar na Bliana i gcomhar le hOireachtas na Gaeilge. Tá dhá rannóg i gceist le Leabhar na Bliana, Leabhar do Dhaoine Fásta (Gradam Uí Shúilleabháin) agus Leabhar do Dhaoine Óga (Gradam Réics Carló).

Bhain na leabhair seo a leanas amach gearrliosta Ghradam Uí Shúilleabháin 2010:

Catullus Gaelach le Pádraig B. Ó Laighin, arna fhoilsiú ag Coiscéim
Aesóp i gConamara le Nollaig Mac Congáil, arna fhoilsiú ag Arlen House
Ó Chósta go Cósta le Frank Reidy, arna fhoilsiú ag Cló Iar-Chonnacht
Seanfhocla Chonnacht le Donla uí Bhraonáin, arna fhoilsiú ag Cois Life
Máirtín Ó Direáin; Na Dánta le hEoghan Ó hAnluain, arna fhoilsiú ag Cló Iar-Chonnacht
Favela le Alex Hijmans, arna fhoilsiú ag Cois Life

Bhain na leabhair seo a leanas amach gearrliosta Ghradam Réics Carló 2010:

Mac Tíre na Draíochta le Tadhg Mac Dhonnagáin, arna fhoilsiú ag Futa Fata
Ruball Trioball le Esther Gobl Uí Nualláin, arna fhoilsiú ag Móinín
An Bradán Feasa le Darach Ó Scolaí, arna fhoilsiú ag Leabhar Breac
Gairdín an Nádúir le Tadhg Mac Dhonnagáin, arna fhoilsiú ag Futa Fata
Na Clocha Síneacha le Karen Tazi, arna fhoilsiú ag Móinín
An Gréasaí Bróg agus na Sióga le Caitríona Hastings, arna fhoilsiú ag An tSnáthaid Mhór

Buaiteoirí Leabhar na Bliana 2010

Gradam Uí Shúilleabháin

Ó Chósta go Cósta le Frank Reidy, arna fhoilsiú ag Cló Iar-Chonnacht

Gradam Réics Carló

Ruball Trioball le Esther Gobl Uí Nualláin, arna fhoilsiú ag Móinín

Feachtais Mhargaíochta

Reachtáiltear feachtas Leabhar Power i rith na bliana ar fad i gcomhar le Foilsiú Éireann, An Comhairle Ealaíon, agus ÁIS chun leabhair Ghaeilge a chur os comhair an phobail.

Féilte/Imeachtaí agus Gníomhaíochtaí Litríochta

Cuirtear maoiniú ar fáil d’fhéilte litríochta a dhéanann ceiliúradh ar scríbhneoireacht agus foilsitheoireacht na Gaeilge agus a chuireann litríocht na Gaeilge os comhair an phobail. Ina measc tá Féile Litríochta IMRAM a bhíonn ar súil san Fhómhar agus Féile Leabhar Bhaile Átha Cliath a reáchtáiltear san Earrach.

Cuirtear maoiniú ar fáil freisin do ClubLeabhar.com atá á reáchtáil ag Gaelchultúr. Tá sé mar aidhm ag an suíomh seo lucht na Gaeilge in Éirinn agus thar lear a spreagadh chun leabhair a léamh agus iad a phlé i bhfóram an tsuímh seo

Taighde

I 2007 d’fhoilsigh Bord na Leabhar Gaeilge Tuarascáil Mhargaíochta ar leabhair Gaeilge neamhoideachasúil.

Chun teacht ar Taighde faoi Dhearcadh agus faoi Thuiscintí Gaeilgeoirí ar Leabhair Ghaeilge agus ar Leabhair Bhéarla cliceáil anseo

Chun teacht ar Tuarascáil maidir le Dearcadh agus Tuairimí i dtaobh Mhargadh na Leabhar Gaeilge Neamhoideachasúil cliceáil anseo

Comórtais Litríochta

Cuirtear duaischistí áirithe ar fáil do chomórtais litríochta éagsúla, ina measc Comórtais Liteartha an Oireachtais agus Comórtas Léirmheastóireachta Oidhreacht Chorca Dhuibhne. Tá duaischiste freisin ar fáil do Leabhar Taighde na Bliana Fhoras na Gaeilge/ACIS. Spreagann comórtais mar seo daoine chun tabhairt faoi léitheoireacht agus scríbhneoireacht na Gaeilge.